اہلیت

جب تک اندر کے اندر ایک شمع روشن نہیں ہوگی ، اور اندر ایک جلتا ہوا دیا نہیں اترے گا ، آپ کو مجھ کو ہم کو پتا نہیں چل سکے گا کہ میری آپ کی  اہلیت  کیا ہے ، اندر کے حقیقی خال و خد کیا ہیں ، اور بس انسان یا اچھے انسان کہنے سے ہم اچھے والے تو نہیں بن جائیں گے نا ! 
میرا یہ کہنے کا مطلب ہر گز نہیں ہے کے آپ اچھے انسان نہیں ہو ، آپ بہت اچھے ہو ، بڑے قابل اور انسانوں سے محبّت کرنے والے ہو لیکن ہر انسان کے وجود میں ایک گوشہ ایسا ہوتا ہے جو تاریک ہوتا ہے - اس کا شاید اسے بھی صحیح طریقے سے معلوم نہیں ہوتا ہے

یقین

اپنے پوتے سے باتوں کے دوران چاند نکل آیا، جسے دیکھ کر وہ بہت خوش ہوا۔ وہ بولا:دادا جس طرح ہم بتیاں بجھا کر سو جاتے ہیں کیا جب چاند یہ کی بتی بجھے گی تو اللہ میاں بھی سو جائیں گے؟۔ میں نے کہا: نہیں، اللہ کو نہ نیند آتی ہے نہ اونگھ آتی ہے۔ وہ نہیں سوتا۔ یہ سنتے ہی اس نے ٹانگ میرے پیٹ پر رکھی اور خراٹے لے کر نیند میں چلا گیا۔ اس نے سوچا ہو گا کہ جب آللہ جاگ رہا ہے تو مجھے پھر کس بات کی فکر ہے اور میں ساری رات اس کھڑکی کی طرف نگاہیں کرکے خوفزدہ سا ہو کے صبح کا انتظار کرتا رہا اور اُس لمحے وہ کمسن بچہ خدا پر یقین میں مجھ پر بازی لے گیا 

 زاویہ ٣ الله میاں کی لالٹین پیج ١١١